«Azərbaycanda dövlət satınalmalarının təşkilində elektron
satınalmaların tətbiqi» mövzusunda keçirilən seminarın

P R O Q R A M I

Tədris müddəti: 36 saat, 5 gün.

Gədəbəy rayonu haqqmda ümumi
MƏLUMAT

      Gədəbəy rayonu Azərbaycan Respublikasının inzibati rayonu kimi 08 avqust 1930-cu ildə təşkil edilmişdir. Qərb və cənub-qərb tərəfdən 123 km məsafədə Ermənistan Respublikası ilə, şimal tərəfdən Azərbaycan Respublikasının Tovuz, şimal-şərq və şərq tərəfdən Şəmkir və Daşkəsən rayonları ilə həmsərhəddir.
      Sahəsi 1229 km2, əhalisi 92.2 min nəfərdir. (01 yanvar 2007-ci il tarixə). Rayonda 1 şəhər, 108 kənd vardır. Rayonun mərkəzi Gədəbəy şəhəridir. (Gədəbəy şəhəri1935-ci ildən 1990-cı ilədək şəhər tipli qəsəbə, 1990-cı ildən isə şəhər adlanır). Rayonda 47 inzibati ərazi vahidi, 44 bələdiyyə fəaliyyət göstərir.
      Əhali: Orta sıxlıq 1 km2-də 70,5 nəfərdir (2004-cü il). Iri yaşayış məntəqələri: Gədəbəy şəhəri, Söyüdlü, Slavyanka, Novosaratovka, Rüstəm Əliyev, Ağamalı, Arıqıran və Arıqdam kəndləridir.
      Təbiəti - Gədəbəy rayonu Kiçik Qafqazın orta və yüksək dağlıq qurşaqlarında yerləşir. Ərazisi Şahdağ silsiləsinin şimal yamacını, Başkənd-Dəstəfur çökəkliyinin və Şəmkir dağ massivinin bir hissəsini əhatə edir.
      Ən yüksək dağ zirvələri: Qoşabulaq (3549 m.).
      Qocadağ (3317 m.), Qaraarxac (3063 m.) və sairlərdən ibarətdir.
      Rayonun ərazisində Yura, Tabaşir, Peleogen və Antropogen çöküntülər üstünlük təşkil edir.
      Rayonun zəngin təbii iqlim şəraiti əhəmiyyətli faydalı qazıntı yataqları, o, cümlədən qara və ağ mərmər, mis, qızıl, firuzə yataqları vardır.
      Müalicəvi və mineral suları: «Narzan» (Slavyanka, Kiçik Qaramurad və Söyüdlü kəndlərində), «Turşsu» (Qalakənd kəndində), «Mormor» (Mormor kəndində), Turşsu (Şınıx) məşhurdur.
      Təsərrüfatı: Gədəbəy rayonu əsasən kənd təsərrüfatı rayonudur. İqtisadiyyatında kartofçuluq, heyvandarlıq və qismən taxılçılıq əsas yer tutur. Gədəbəy rayonunda kənd təsərrüfatına yararlı torpaq sahəsi 92376 hektardır. Bunun 16458 hektarı əkin yeri, 9547 hektarı biçənək, 66371 hektarı otlaq sahələridir. (01 yanvar 2004-cü il tarixə).
      Torpaqların özəlləşdirilməsindən sonra 24966 hektar torpaq sahəsi vətəndaşların, 36574 hektar torpaq sahəsi bələdiyyələrin mülkiyyətinə verilmiş, 61758 hektar torpaq sahəsi isə dövlət mülkiyyətində qalmışdır.
      Rayonda yetişdirilən əsas kənd təsərrüfatı bitkiləri - kartof, kələm, buğda, arpa, qarğıdalı, vələmir, yerköküdür.
      Gədəbəy rayonu respublikanın ən iri kartofçuluq rayonlarından biridir. 2006-cı ildə rayon üzrə 13015 hektar sahədə kartof əkilmiş, 179 min ton məhsul yığılmışdır. 1400 hektar sahədə taxıl əkilmiş, 3992 ton məhsul toplanılmışdır. Hektardan 28,5 sentner məhsul götürülmüşdür.
      Son illər rayonda heyvandarlıq daha yaxşı inkişaf etmişdir. Rayonda iribuynuzlu mal-qaranın baş sayı 78197 başa (23363 baş inək və camış), qoyun və keçilərin baş sayı isə 332402 başa çatmışdır. (01 yanvar 2007-ci il tarixə). Azərbaycanda Gədəbəy Rayonu dağ «merinosu» qoyun cinsinin vətənidir.       Yüksək zərifli yun məhz həmin qoyunlardan alınır.
      Rayonda 271227 (iki yüz yetmiş bir min iki yüz iyirmi yeddi) baş müxtəlif növ ev quşları saxlanılır.
      Rayonda kərpic, əhənc istehsal olunur, mineral və süfrə suları qablaşdırılır. Un və şirniyyət istehsalı, plastik qapı-pəncərə sexləri vardır. Asfalt zavodu fəaliyyət göstərir. Meşə mühafizəsi və bərpasə müəssisəsi vardır.  
      Gədəbəydə Mədəni quruculuq  - təhsil, səhiyyə və mədəniyyət.
      2004-2005-ci tədris ilində rayonun 7 məktəbəqədər müəssisəsində 288 nəfər uşaq tərbiyə olunur. 86 ümumtəhsil məktəbində (13 ibtidai, 18 əsas əsas, 55 orta) 15938 nəfər, bir peşə litseyində isə 279 nəfər şagird təhsil alır. Bundan başqa rayonda 1 uşaq yaradıcılıq mərkəzi və 3 idman məktəbi fəaliyyət göstərir.
      Rayonda 109 kitabxana, 21 klub, 27 mədəniyyət evi, 1 tarix diyarşünaslıq muzeyi, 4 musiqi məktəbi fəaliyyət göstərir. Respublikamızda ən böyük aşıq məktəbi Gədəbəydə fəaliyyət göstərir. 100 nəfərdən çox ustad aşığın adını çəkmək olar. Rayonumuzda «Xalq Aşığı» ansambılı adını daşıyan Aşıqlar Ansambılı fəaliyyət göstərir. Ansambıla Respublikanın Əməkdar Mədəniyyət işçisi Prezident təqaüdçüsü Aşıq Isfəndiyar Rüstəmov rəhbərlik edir.
      Rayon ərazisində 1 dünya əhəmiyyətli, 79 ölkə əhəmiyyətli arxeoloji abidə və 18 memarlıq abidəsi qorunur.
      Memarlıq abidələrindən Söyüdlü kəndində (Şəmkir çayı üzərində) «Qız qalası» («Namərdqala», IX əsr), «Mahrasa» (məbəd) Qalakənd kəndində qala (Koroğlu» qalası XVI əsr) Çalburun, Səbətkeçməz kəndlərində körpü (3 ədəd XIX əsr) Böyük Qaramurad kəndində məbəd (XVII əsr), Novoivanovka kəndində «Alban kilsə»si (IV əsr) tarixi memarlıq abidələri kimi daha məhşurdur.
Gədəbəyin hər qarış torpağında, hər qayasında, daşında ulu tariximizin izi qalıb.

Gədəbəy rayonunda mövcud olan problemlər barədə
MƏLUMAT

"Azərbaycanda dövlət satınalmalarının təşkilində elektron satınalmaların tətbiqi" mövzusunda 5 günlük seminara dəvət olunmuş şəxslərə dair

MƏLUMAT